2022-ci il martın 15-18-də Xəzər Universitetinin əməkdaşları UniLab layihəsi çərçivəsində Fransanın Lille şəhərindəki Lille Universitetində səfərdə olublar. Səfərdə universitetin Beynəlxalq əlaqələr üzrə prorektoru Vlad Vernygora, Karyera Mərkəzinin koordinatoru Elnurə Əhmədzadə, İnkişaf ofisinin layihə rəhbəri Məhin Cəbrayılova və Tələbə Məclisinin prezidenti Ramal Quluzadə iştirak ediblər.

Lille Universitetində layihə komandası qarşılanıb və keçən üç gün ərzində onlara universitetin Karyera mərkəzinin işləmə mexanizmi və “Lilagora” karyera platforması haqqında məlumat verilib, innovativ pedaqoji nümunələr, ömür boyu öyrənmə, biznes müəssisələri ilə əməkdaşlıq yaratmaq mövzularında təlimlər keçirilib. Yekunda isə UniLab layihəsinin koordinatoru tərəfindən təlim iştirakçılarına müəyyən tövsiyələr verilmiş və səfər başa çatmışdır.