2022-ci il martın 2-4-də Xəzər Universitetinin əməkdaşları Türkiyənin İstanbul şəhərində hibrid formatda təşkil olunmuş 7-ci Avrasiya Ali Təhsil Sammiti – EURIE 2022-də iştirak etmişlər. Sərginin iştirakçısı qismində Xəzər Universitetini Beynəlxalq Əlaqələr Ofisinin koordinatoru Fatimə Vəliyeva və Keyfiyyətin Təminatı Mərkəzinin assistenti Kəmalə Mustafayeva təmsil ediblər.
60 paneldə təqdimatların nümayiş etdirildiyi EURIE Sammitində 39 ölkədən 160-dan çox məruzəçi iştirak edirdi. Tədbirin açılış mərasimi EURAS & EURIE prezidenti, professor Dr. Mustafa Aydının İstanbulda canlı çıxışı ilə başladı. EURIE İstanbul Proqramının 2-ci günü Mərmərə Universiteti ev sahibliyi etdi. Nəhayət, EURIE 2022 İstanbul Proqramının yekunu Yeditepe Universiteti tərəfindən təşkil olundu.
Tədbir iştirakçıları müxtəlif növ kampus turlarında, dəyirmi masa müzakirələrində və onlayn sessiyalarda da iştirak etdilər.