2022-ci il fevralın 20-də keçirilmiş magistraturaya qəbul imtahanında ən yüksək nəticə (93-98 bal) göstərən 25 bakalavr martın 4-də Dövlət İmtahan Mərkəzində (DİM) təşkil edilən “Açıq qapı” gününə dəvət edilib. Onların arasında Xəzər Universitetinin Təbiət elmləri və mühəndislik fakültəsinin 97 bal toplamış tələbəsi Tamerlan Abdullayev (Kompüter mühəndisliyi ixtisası) də olub.
DİM-in struktur bölmələrinin rəhbərləri qəbul imtahanında yüksək nəticə göstərmiş bakalavrları təbrik edərək, onlara gələcək fəaliyyətlərində uğurlar arzulayıb və digər məsələlər barəsində məlumat, tövsiyələr veriblər, bakalavrları maraqlandıran sualları cavablandırıblar.
AZƏRTAC və digər saytlar tədbir haqqında xəbər yayımlamışlar.