Xəzər Universiteti Psixologiya departamentinin koordinatoru Mələk Kərimova 2022-ci il martın 7-də Azərbaycan Respublikası Təhsil nazirliyinin dəstəyi ilə yaradılan Təhsil işçilərinin təcrübə və kommunikasiya platformasının (T-Network) “Bələdçi” verilişinin qonağı olub. Verilişin bu buraxılışının mövzusu “Məktəbdə psixoloji sağlamlığın təminatı” idi.
Verilişdə məktəblərdə sağlam psixoloji iqlimin formalaşması üçün zəruri olan məsələlərə toxunulmuş, xüsusən məktəbə bağlılıq hissinin formalaşdırlmasının zəruriliyi qeyd edilmişdir. Məktəblərdə işləyən psixoloqların qarşılaşdıqları çətinliklər, psixoloqlar haqqında miflər, məktəb-ailə-şagird-cəmiyyət əməkdaşlığına sistemli yanaşmanın əhəmiyyəti üzərində dayanılmışdır. Veriliş birbaşa yayımlandığı üçün maraqlı müzakirələr aparılmış və izləyicilərdən gələn suallar cavablandırılmışdır.
https://www.facebook.com/tnetwork.az/videos/b%C9%99l%C9%99d%C3%A7i/365266138803855