Xəzər” Universitetinin sabiq departament müdiri Ramil Quluzadə UNEC-də Beynəlxalq İqtisad Məktəbinin - universitetin ingilis dilli fakültəsi olan İSE-yə direktor təyin olunub.
Ramil Quluzadə 25 iyul 1987-ci ildə Bakı şəhərində anadan olub. 2004-cü ildə 1 saylı fizika-riyaziyyat və informatika təmayüllü liseyi bitirib. 2004-2008-ci illərdə Azərbaycan Memarlıq və İnşaat Universitetinin Ümumi İqtisadiyyat fakültəsində bakalavr təhsili alıb və fərqlənmə diplomu ilə məzun olub.
2008-2009-cu illərdə hərbi xidmətdə olub. 2016-2018-ci illərdə ABŞ-ın Massaçusets Texnologiya İnstitutunda (Massachusetts Institute of Technology, USA) "Biznesin idarə edilməsi" (Master of Business Administration) ixtisası üzrə magistr təhsili alıb.
2018-2019-cu illərdə ABŞ-da yerləşən müxtəlif texnologiya şirkətlərində əmək fəaliyyətini davam etdirib. 2020-2021-ci illərdə Xəzər Universitetinin MBA departamentinin direktoru olub.
Tehsil.biz və digər saytlar 2022-ci il martın 4-də bu barədə xəbər yayımlamışdır.
https://tehsil.biz/news/az/34288/MT-mzunu-UNEC-d-dekan-vzifsin-tyin-olunub