28 fevral-2 mart 2022-ci ildə Xəzər Universitetinin nümayəndə heyəti tərəfdaşı olan İstanbul Aydın Universitetinin təşkil etdiyi yüksək səviyyəli “Qlobal Tərəfdaşlar Həftəsi”ndə iştirak etdi. Erasmus+ Proqramı çərçivəsində Beynəlxalq Əlaqələr Ofisinin koordinatoru Fatimə Vəliyeva və Keyfiyyətə Təminat Mərkəzinin assistenti Kəmalə Mustafayeva tədbirdə Xəzər Universitetini təmsil etdilər.

Tədbirin məqsədi tərəfdaşlar bir araya gətirmək, ikitərəfli əməkdaşlığı genişləndirmək, xüsusən də pandemiya zamanı beynəlmiləlləşmə sahəsində ən yaxşı təcrübələri mübadilə etmək idi. 18 ölkədən və 33 qurumdan olan iştirakçılar bələdçili kampus turunda oldular və sonra öz universitetlərinin virtual proqramları, yay məktəbləri, dil və mədəniyyət kursları haqqında müxtəlif növ təqdimatlar etdilər.