2022-ci il fevralın 24-də Azərbaycan Respublikasının Prezidenti yanında Ali Attestasiya Komissiyasında (AAK) 12 elm sahəsi üzrə elmi dərəcə və elmi ad almış 43 iddiaçıya diplom və attestatların təqdim edilməsi ilə bağlı tədbir keçirilib.

Tədbirdə Xəzər Universitetinin İdarəetmə və tələbə işləri üzrə prorektoru İsaxan İsaxanlıya elmlər doktoru diplomu təqdim olunmuşdur. AAK-ın qərarı ilə ona 5716.01 – Azərbaycan ədəbiyyatı və 5718.01 - Dünya ədəbiyyatı (rus ədəbiyyatı) ixtisasında Filologiya elmləri doktoru elmi dərəcəsi verilmişdir.

Qeyd edək ki, İsaxan İsaxanlı AMEA Nizami Gəncəvi adına Ədəbiyyat İnstitutunun Dissertasiya Şurasında “Serqey Yesenin yaradıcılığı Azərbaycan və Şərq ədəbi-bədii kontekstində” mövzusunda doktorluq dissertasiyası müdafiə etmişdi.