Xəzər Universiteti Həyat elmləri departamentinin müdiri Asəf Ömərovun həmmüəllifi olduğu “Azərbaycanda iribuynuzlu heyvanların südündən ayrılmış Brucella abortus və Brucella melitensis izolyatlarının identifikasiyası və molekulyar xüsusiyyətləri” (Identification and molecular characterization of Brucella abortus and Brucella melitensis isolated from milk in cattle in Azerbaijan) adlı məqalə BMC Veterinary Reserch jurnalında (2022;78:71) nəşr olunmuşdur.

Layihə ABŞ-ın Təhlükənin Azaldılması Təşkilatının (U.S government Defense Threat Reduction Agency -DTRA) maliyyə dəstəyi ilə 2 il ərzində Göygöl rayonunda yerləşən Milli İstinad Laboratoriyasında həyata keçirilmişdir. Qan və süd nümunələri Göygöl, Goranboy, Daşkəsən, Samux rayonlarındakı və Gəncə şəhərindəki fərdi fermer təsərrüfatlarında saxlanan iribuynuzlu heyvanlardan toplanılmışdır. Əldə edilmiş nəticələr Belçikanın Sciensano Veterinar Bakteoroloji (Veterinary Bacteriology) laboratoriyası tərəfindən təsdiq olunmuşdur.