2022-ci il yanvarın 29-da Xəzər Universitetinin Dillər və ədəbiyyatlar departamentinin müəllimi Dr. Gülşanə Xudiyeva əcnəbi doktorantlara tədris etdiyi Azərbaycan dili fənnindən növbəti mövzunu Qobustan Dövlət Tarixi-Bədii Qoruğunda keçmişdir.
Əcnəbi doktorantlar qoruğun ərazisindəki muzeyi ziyarət etmiş, ərazidəki qədim yaşayış məskənləri, qayaüstü təsvirlər və s. haqqında ətraflı məlumat əldə etmişlər. Onlar həmçinin Qaval daşı, yallı rəqsinin tarixi ilə də tanış olmuşlar. Muzeydə qədim insanların həyat tərzi, təsərrüfatı barədə təsəvvür yaradan videoçarxlar tələbələrin marağına səbəb olmuşdur.