2022-ci il yanvarın 25-də Xəzər Universitetinin Humanitar, təhsilvə sosial elmlər fakültəsinin İngilis dili və ədəbiyyatı departamentinin 5708.01–“German dilləri” ixtisası üzrə doktorantı Firuzə İbrahimovanın “İngilis dilində dil səriştəsinin formalaşması və reallaşması” adlı elmi tədqiqat işinin ilkin müzakirəsi keçirildi. Doktorant öz elmi işinin aktuallığı, elmi yeniliyi, məqsəd və vəzifələri, aprobasiyası, quruluşu və qısa məzmunu ilə bağlı izahat verdi. Sonra doktorant ekspertlərin suallarını cavablandırdı, qeyd olunan irad və təkliflərə münasibət bildirdi.

Dissertasiya işinin müzakirəsində Xəzər Universitetinin əməkdaşları, komissiya üzvləri və rəyçilər ilə yanaşı, Xəzər Universitetinin İngilis dili və ədəbiyyatı departamentinin koordinatoru Milana Abbasova, ADU-nun professoru Fəxrəddin Veysəlli (elmi rəhbər), həmin universitetin Fonetika kafedrasının müdiri professor Fərman Zeynalov və başqaları iştirak etdilər.

Müzakirənin sonunda Firuzə İbrahimovanın “İngilis dilində dil səriştəsinin formalaşması və reallaşması” adlı elmi tədqiqat işinin Azərbaycan Respublikası Prezidentinin yanında Ali Attestasiya Komissiyasının tələblərinə cavab verdiyi və filologiya üzrə fəlsəfə doktoru elmi dərəcəsi almaq üçün növbəti mərhələyə keçirilməsinə qərar verildi.