Xəzər Universitetinin əməkdaşları - Təbiət elmləri, sənət və texnologiya yüksək təhsil fakültəsinin dekanı Səidə Şərifova, Həyat elmləri departamentinin koordinatoru Cavid Ocaqi və Mexanika mühəndisliyi departamentinin koordinatoru Mehdi Kiyasatfar 2021-ci il dekabrın 13-17-də Türkiyənin Boğaziçi Universiteti, Sabancı Universiteti, Beykoz Universiteti, Üsküdar Universiteti, Kent Universiteti, TED Universiteti və Atılım Universitetində rəsmi səfərdə olmuşlar.

Səfər zamanı qeyd edilən universitetlərin müxtəlif yüksək təhsil fakültələri və fakültələrinin dekanları və əməkdaşları, eləcə də beynəlxalq əlaqələr ofislərinin nümayəndələri ilə görüşlər keçirilmiş, tələbə və kadr mübadiləsi, ikili diplom proqramlarının hazırlanaraq rəsmiləşdirilməsi, birgə seminarların, intensiv kursların, yay məktəblərinin təşkili, birgə elmi tədqiqat mərkəzlərinin yaradılması və tədqiqatların aparılması, doktorantlara elmi məsləhətçilərin təyini və s. sahələrdə müzakirələr aparılmış və razılıq əldə olunmuşdur.