2021-ci il dekabrın 27-də Təbiət elmləri, sənət və texnologiya yüksək təhsil fakültəsinin və Təhsil departamentinin təşkilatçılığı ilə “Hekayə anlatma sənəti: hekayələrin öyrənmə bacarıqlarına təsiri” adlı seminar-vorkshop keçirilib

Məruzəçi “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə xaricdə doktorantura təhsili” proqramı çərçivəsində Amerika Birləşmiş Ştatlarının Cənubi Florida Universitetində doktorantura təhsili alan Lalə Orucova idi.

Proqramın şərtlərinə əsasən xarici ölkələrin nüfuzlu ali təhsil müəssisələrində doktorantura təhsili almaq üçün müraciət edən namizədlər əvvəlcədən yerli ali təhsil müəssisələrindən biri ilə, təhsil müddəti bitdikdən sonra onunla əmək müqaviləsinin bağlanmasına dair, əməkdaşlıq müqaviləsi bağlamalı və razılıq məktubu almalıdır. Lalə Orucova Xəzər Universitetinin dəstəyi ilə proqrama müraciət edərək, müvvəffəqiyyət qazanmış doktorantlardan biridir.

Təşkil olunmuş seminar-vorkshop çox uğurlu olmuş, tələbələr həm nəzəri məlumatlarla tanış edilmiş, həm də kiçik həcmli hekayələr yazaraq, onların fəlsəfi və metodiki cəhətdən əsaslandırılması kimi təcrübi tapşırıqları yerinə yetirmiş, müzakirələrdə fəal iştirak etmişlər.