Hörmətli Hamlet müəllim,
19 dekabr tarixində Layihəmizin tədbirinin Xəzər Universitetində keçirilməsinə şərait yaratdığınız üçün Sizə komandamız və abituriyentlərimiz adından dərin minnətdarlığımızı bildiririk.
"Gələcəyini Qur!" Layihəsi olaraq sevinirik ki, ilk tədbirimiz məhz Xəzər Universitetində baş tutdu. Abituriyentlərimizdən aldığımız qiymətləndirmə nəticələrinə əsasən əminliklə deyə bilərəm ki, gənclər çox dolğun və maraqlı bir gün keçirdilər. Çox sağ olun ki, bazar gününü gənclərə ayıraraq, bu günü onlar üçün yaddaqalan etdiniz.
Hörmətli Hamlet müəllim,
Bir daha Sizə, tədbirdə iştirak etmiş İradə xanıma, Əlövsət müəllimə və tədbirin ərsəyə gəlməsində iştirak etmiş hər kəsə təşəkkürümüzü bildiririk.
Sizi və Xəzər Universitetinin bütün əməkdaşlarını qarşıdan gələn Yeni İl və Dünya Azərbaycanlılarının Həmrəyliyi Günü münasibətilə təbrik edirəm! Yeni ildə Sizə və komandanıza yeni nailiyyətlər arzu edirəm.
Hörmətlə,
Bəhruz Hidayətzadə
Direktor
"Build Your Future" MMC
28 dekabr 2021-ci il