Yasamal Rayon Gənclər və İdman İdarəsi tərəfindən təsdiq edilmiş xüsusi tədbirlər planına müvafiq olaraq, 2021-ci il oktyabrın 1-dən başlayaraq, ali və orta ixtisas təhsili müəssisələrinin komandaları arasında “Zəfər Kuboku” uğrunda “Nə?, Harada?, Nə zaman?” intellektual oyunu üzrə bilik yarışı keçirilmişdir. Əsasnaməyə müvafiq olaraq yarışlar iki mərhələ üzrə təşkil edilmiş, birinci mərhələ üzrə daxili yarışların qalibi olmuş komandalar final mərhələsinə vəsiqə qazanmışlar.

Dekabrın 24-də təşkil edilmiş “Zəfər Kuboku”nun final mərhələsində I yerə Xəzər Universitetinin komandası, II yerə Bakı Dövlət Universitetinin komandası, III yerə Azərbaycan Dövlət İqtisad Universitetinin komandası layiq görülmüşdür. Yarışlara ümumilikdə 378 nəfər gənc qatılmışdır.

Xəzər Universitetinin komandasında qələbə qazanmış tələbələr Bəhruz Şabılı, Ehtiram Yarıyev, Nuranə Şablılı, Tamerlan Abdullayev, Tuqay Abdullazadə və İsmayıl Adıgözəlovdur.