2021-ci il dekabrın 22-də Azərbaycan Radiosunun Ədəbi-dram və folklor redaksiyasının füzulişünas alim Məmmədəli Əsgərovun anadan olmasının 100 illiyi münasibətilə hazırladığı “Xatirələr işığı” verilişində Əməkdar elm xadimi Qəzənfər Paşayev, Xalq artisti Alim Qasımov, Əməkdar incəsənət xadimi Aqil Məlikov, Əməkdar artist Ağalar Bayramov və Əməkdar jurnalist, “Xəzər Xəbər” jurnalının baş redaktor müavini Əlirza Balayev çıxış edərək, xatirələrini söyləmişlər.
Ə.Balayev çıxışında orta məktəb illərindən müəllimi olmuş Məmmədəli Əsgərovu klassik Azərbaycan və Şərq ədəbiyyatının, əruz vəzninin mahir bilicisi, görkəmli ədəbi tənqidçi, pedaqoq və natiq kimi səciyyələndirmişdir.