2021-ci il dekabrın 17-də Xəzər Universitetinin rektoru dosent İradə Xəlilova Azərbaycan Dövlət Pedaqoji Universitetinin (ADPU) 100 illik yubileyi ilə əlaqədar keçirilən tədbirdə iştirak edib.

Tədbirdə əvvəlcə Dövlət Himni səsləndirilib, Vətən müharibəsi şəhidlərinin xatirəsi bir dəqiqəlik sükutla anılıb.

Tədbirdə təhsil naziri Emin Əmrullayev, ADPU-nun rektoru professor Cəfər Cəfərov, ADPU-nun gənc müəllimi, psixologiya üzrə fəlsəfə doktoru Səbinə Əlizadə, universitetin IV kurs tələbəsi İsmayıl Nəsirov çıxış edərək, professor-müəllim heyətini təbrik etmiş, uğurlar arzulayıblar.

Mərasimdə ADPU-nun 100 illiyinə həsr edilmiş film nümayiş olunub.

Tədbir bədii hissə ilə davam edib.