2021-ci il dekabrın 4-də Təhsil departanmentinin təşkilatçılığı ilə Humboldt Berlin Universitetinin doktorantı Xəyyam Namazovun Xəzər Universitetinin tələbələri ilə görüşü keçirilmişdir. ZOOM platforması üzərində onlayn keçirilən tədbirdə Xəzər Universitetinin müəllim və tələbələri ilə yanaşı, digər universitetlərdən də tələbələr iştirak etmişdir.
“Avropada doktorantura təhsili tədqiqat işinə necə yanaşmalı” mövzusunda təqdimat edən Xəyyam Namazov Avropa və xüsusilə Almaniyada doktorantura təhsilinin təşkili və tədqiqat müddətində önəmli olan məqamlar haqqında geniş məlumat vermişdir. Təqdimatdan sonra iştirakçıların suallarını cavablandıran natiq tədqiqat işində önəmli olan mərhələləri və məqamları bir daha vurğulamışdır. Yekun olaraq belə bir görüşün bir daha təşkil olunması və bununla bağlı əlaqə saxlamaq üçün ortaq bir platformanın yaradılması üzərində işləmək qərara alınmışdır.