2021-ci il dekabrın 8-də Türkiyənin Üsküdar Universiteti ilə Xəzər Universitetinin nümayəndələri arasında perspektiv əməkdaşlıq yönümlü görüş keçirilmişdir. Müzakirənin məqsədi iki tərəf arasında tanışlıq və ikitərəfli əməkdaşlığı gücləndirmək olub.

Görüşdə Xəzər Universitetindən Beynəlxalq əlaqələr üzrə prorektor Vlad Vernygora, İnkişaf Mərkəzinin rəhbəri Raziyə İsayeva, Təbiət elmləri, sənət və texnologiya yüksək təhsil fakültəsinin dekanı Səidə Şərifova, İctimaiyyətlə əlaqələr və media üzrə direktor Əlövsət Əmirbəyli, Beynəlxalq əlaqələr üzrə koordinatorlar Fatimə Vəliyeva və Rauf İsmayılov, Üsküdar Universitetindən Beynəlxalq əlaqələr şöbəsinin müdiri Peyman Cəfər, beynəlxalq əlaqələr üzrə mütəxəssis Dilbər Əliyeva iştirak etmişlər.

Görüşün nəticəsi olaraq Xəzər Universiteti ilə Üsküdar Universiteti arasında imzalanmaq üçün ilkin müqavilə hazırlanıb.