2021-ci il dekabrın 8-də Xəzər Universitetinin rektoru Dos. İradə Xəlilova, dekanlar və departament müdirləri Berghof Fondunun Avropa bölməsinin rəhbəri Dr. Oliver Wolleh və fondun milli layihə koordinatoru Bəxtiyar Aslanov ilə görüşdülər. Görüşün məqsədi iki qurum arasında mümkün əməkdaşlığın müzakirəsi olub.

Dr. Wolleh iştirakçılara Cənubi Qafqazda sülh quruculuğu işləri, o cümlədən münaqişədən təsirlənmiş insanların şəxsi xatirələrini və münaqişənin müxtəlif aspektləri ilə bağlı fikirlərini bölüşmək üçün bir araya gəldiyi seminarlar haqqında məlumat verib. Almaniyanın Berlin şəhərində yerləşən Berghof Fondu münaqişənin transformasiyası yolu ilə sülhün bərqərar olmasını təşviq edən müstəqil təşkilatdır.

Görüşdə Dos. Elza Səmədova (Humanitar, təhsil və sosial elmlər fakültəsinin dekanı), Dr. Səidə Şərifova (Elm, incəsənət və texnologiya yüksək təhsil fakültəsinin dekanı), Dr. Ceyhun Məmmədov (İqtisadiyyat və menecment fakültəsinin dekanı), Dr. Fərid Quliyev (Siyasi elmlər və fəlsəfə departamentinin müdiri) və Cavid Cəfərov (Təhsil departamentinin koordinatoru) iştirak ediblər.