2021-ci il dekabrın 3-də Şotlandiyanın Aberdeen Universitetinin professoru Rachel Shanks Təhsil Departamentinin təşkil etdiyi “Expert Talks” tədbirlər seriyasının ilk tədbirində qonaq məruzəçi qismində çıxış edib. Rachel Shanks`ın “Şotlandiyada müəllim hazırlığı” mövzusunda çıxışı online olaraq, ZOOM platforması vasitəsilə təşkil olunub. 30-dan çox iştirakçını bir araya gətirən tədbirdə Xəzər Universitetinin bir neçə müəllim və tələbələri ilə yanaşı, Azərbaycan, Türkiyə, Şotlandiya və Qazaxıstandan olan qonaqlar iştirak edib.

Şotlandiyada müəllim hazırlığının tarixi haqqında məlumat verən qonaq məruzəçi daha sonra hazırkı dövrdə Şotlandiyada müəllim hazırlığının təşkili ilə bağlı məlumat vermişdir. Mühazirəsini müqayisəli şəkildə təşkil edən Rachel Shanks bu sahədə Şotlandiya təcrübəsinin İngiltərə, Uels və Şimali İrlandiyadan hansı məsələlərdə fərqləndiyini də nümunələrlə qeyd etmişdir.