2021-ci il dekabrın 2-də Eduniversal dünyanın ən yaxşı Biznes məktəblərinin rəsmi reytinqini dərc edib.
Reytinq cədvəlində Xəzər Universitetinin İqtisadiyyat və Menecment Məktəbi (SEM) Azərbaycanın biznes məktəbləri arasında 1-ci sırada yer alıb.
Qeyd edək ki, reytinq cədvəlinin tərtibi qaydalarına əsasən, biznes məktəbləri Eduniversal Elmi Komitə üzvləri tərəfindən beynəlxalq təsir, reputasiya və təhsil keyfiyyəti kimi meyarlar əsasında qiymətləndirilib müəyyən edilir.
Biznes məktəbləri ölkələr üzrə qruplaşdırılıb və müxtəlif “Eduniversal Palmes of Excellence” liqalarında sıralanmışdır. Biznes məktəblərinin tarixi inkişaf yolu müxtəlif meyar və parametrlər, o cümlədən onların beynəlxalq dinamikasını/fəaliyyətini ölçən dekanların “səs sorğusu” əsasında qiymətləndirilir.
Bu uğur münasibətilə Xəzər Universitetinin əməkdaşlarını, tələbələrini və İqtisadiyyat və Menecment fakültəsinin professor-müəllim heyətini peşəkar fəaliyyəti, fədəkar əməyinə görə təbrik edir, onlara yeni-yeni uğurlar arzu edirik!
https://www.eduniversal-ranking.com/business-school-university-ranking-in-azerbaijan.html