2021-ci il noyabrın 30-da Təhsil nazirinin müavini İdris İsayevin iştirakı ilə ali və orta ixtisas təhsili müəssisələrinin rəhbərləri ilə online görüş keçirildi. Görüşdə “Təhsil tələbə krediti” məsələsi müzakirə edildi. Xəzər Universiteti tədris işləri üzrə prorektor Məhəmməd Nuriyev və İdarəetmə və tələbə işləri üzrə prorektor İsaxan İsaxanlı ilə təmsil edilmişdi.

Müzakirələr zamanı İsaxan İsaxanlı Azərbaycanda son illərdə təhsil sahəsində atılan müsbət addımlardan qısaca danışdı, “Təhsil tələbə krediti”nin verilməsində İngiltərə təcrübəsinə toxundu və götürülmüş təhsil kreditinin geri qaytarılma mexanizmi ilə bağlı fikrini bildirdi. Qaldırılan məsələ ətrafında Nazir müavini İdris İsayev geniş izahat verdi.