2021-ci il noyabrın 17-də Xəzər Universiteti Təhsil departamentinin koordinatoru Cavid Cəfərov İngiltərənin Bolton Universitetinin nəzdində fəaliyyət göstərən Pedaqogika Mərkəzinin təşkil etdiyi onlayn beynəlxalq tədbirdə iştirak edib.

“Post-Covid dövründə tədris və öyrənmə: təhsilin gələcəyi” adlanan tədbirdə dünyanın müxtəlif ölkələrindən təhsil sahəsində çalışan 160-dək tədqiqatçı iştirak edib. Tədbir Covid pandemiyasının təhsil sahəsinə təsiri və pandemiyadan sonra təhsil sahəsini nələrin gözlədiyini əhatə edən elmi araşdırmaların müzakirəsinə həsr olunub.