2021-ci il noyabrın 16-da Milli Erasmus Ofisində “Ali Təhsildə Erasmus+ Potensialın Gücləndirilməsi” mövzusunda Milli Təsir Tədqiqatının təqdimatı keçirilmişdir.
Görüşdə ali təhsil müəssisələrindən, hökumət təşkilatlarından nümayəndələr, eyni zamanda Erasmus+ Proqramının digər maraqlı tərəfləri iştirak edirdilər.
Milli Erasmus Ofisinin rəhbəri Pərviz Bağırov açandan sonra Təhsil nazirinin müşaviri Ülkər Səttərova çıxış edərək, ali təhsildə Erasmus+ Potensialın Gücləndirilməsinin (CBHE) Azərbaycan təhsil sisteminə və təhsil işçilərinə təsirindən danışdı.
Xəzər Universiteti İnkişaf Mərkəzinin direktoru, eyni zamanda Ali Təhsil İslahatlar eksperti və araşdırmanın aparıcı tədqiqatçısı Raziyə İsayeva “Ali Təhsildə Erasmus+ Potensialın Gücləndirilməsi” mövzusunda Milli Təsir Tədqiqatının əsas nəticələrindən, bu layihədə ölkə və institusional səviyyədə təklif olunan tövsiyələrdən danışdı.
Milli Erasmus Ofisinin rəhbəri Pərviz Bağırov “2014-2020-ci il Azərbaycandakı Erasmus+ gələcək proqramlara baxış” mövzusunda çıxış etdi.
Mingəçevir Dövlət Universitetinin rektoru Şahin Bayramov, Azərbaycan Dillər Universitetinin prorektoru Jalə Qəribova və Azərbaycan Texnologiya Universitetinin prorektoru Sübhan Məmmədov bu tədqiqatdakı iştirakçı kimi çıxış etdilər.
Sonda görüş sual-cavab sessiyası ilə yekunlaşdı.