2021-ci il noyabrın 11-də Bakı Biznes Universitetində Erasmus+ ECAR layihəsi çərçivəsində növbəti idarəetmə görüşü keçirilmişdir. Görüşdə Azərbaycandan olan layihə tərəfdaşları və Avropa universitetlərindən olan tərəfdaşlar daxil olmaqla 30-dan çox nümayəndə iştirak edirdi.
Tədbir layihənin koordinatoru Gülşən Bayramovanın giriş sözü ilə başladı. O, gündəlikdə duran məsələləri iştirakçıların diqqətinə çatdırdı.
Naxçıvan Universitetinin əməkdaşı Rəcəb Cəfərli layihənin daha çox auditoriyaya çatdırılması barədə öz məsləhətlərini verdi.
Bakı Biznes Universitetinin Beynəlxalq əlaqələr üzrə prorektoru Eşqin Bayramov gündəlikdə duran maliyyə məsələlərindən bəhs etdi.
Görüş koordinatora ünvanlanan sualların cavablanması ilə yekunlaşdı.
Tədbirdə Xəzər Universitetini İnkişaf Mərkəzinin layihə meneceri Səbinə Quluyeva təmsil etdi.