2021-ci il oktyabrın 28-də Xəzər Universitetində “Tükənmişlik sindromu” mövzusunda seminar keçirilmişdir.
Seminarda Psixologiya departamentinin müəllimi və doktorantı Nilufər Əlizadə “Tükənmişlik sindromu” haqqında məruzə iləçıxış etmişdir. Klinik psixoloq tələbələrə xroniki stresin biopsixo-sosial səbəblərini izah edərək, insana negativ təsirləri haqqında məlumat vermişdir. Uzun müddətli davam edən xroniki stresin tükənmişliyə, yəni emosional yanma ilə nəticələnməməsi üçün praktiki və nəzəri texnikaları iştirakçılar ilə bölüşmüşdür.
Maraqla qarşılanan təlim iştirakçıların sualları və müzakirələr ilə davam etmişdir. Təlimin sonunda bu mövzunun Xəzər Universitetinin əməkdaşları arasında da vorkşop şəklində keçirilməsi üçün təkliflər verilmişdir.