2021-ci il oktyabrın 25-də Xəzər Universitetinin tərəfdaşı olduğu Erasmus+ PİCASP layihəsinin Azərbaycan Milli Erasmus+ ofisi tərəfindən monitorinqi keçirilmişdir. Azərbaycan Turizm və Menecment Universitetində keçirilən monitorinqdə layihənin yerli tərəfdaşları-Azərbaycan Turizm və Menecment Universitetinin əməkdaşı Faina Qaçabəyova, Miras İctimai Birliyinin sədri Fariz Xəlili və digər üzvləri, Xəzər Universiteti İnkişaf Mərkəzinin layihə meneceri Səbinə Quluyeva, Milli Erasmus+ Ofisinin rəhbəri Pərviz Bağırov və Monitorinq və təşviqat üzrə əməkdaşı Zəfər Həsənov iştirak etmişlər.

Pərviz Bağırov iştirakçıları salamlayaraq, monitorinq görüşünün məqsədini açıqlamışdır. Zəfər Həsənov layihənin gedişatı və yaranan problemlər haqqında danışmışdır.

Layihə tərəfdaşları layihə çərçivəsində görülmüş işlər və gələcəkdə həyata keçirilməsi planlaşdırılan fəaliyyətlər barədə hesabat vermişlər.

Sonda Milli Erasmus+ Ofisinin rəhbərliyi layihə çərçivəsində indiyə qədər görülmüş işləri qənaətbəxş hesab etmiş və layihə tərəfdaşlarına öz tövsiyələrini bildlrmişdir.