Xəzər Universitetinin təsisçisi, Direktorlar və Qəyyumlar şurasının sədri professor Hamlet İsaxanlı Yaradıcı yazı (Creative Wrting) fənni çərçivəsində silsilə ustad dəslərinə başlamışdır.

İlk dərs 2021-ci il oktyabrın 21-də hekayə janrının mövzu-ideya və poetik xüsusiyyətləri mövzusunda keçirilmişdir. Mövzu çərçivəsində professor görkəmli rus yazıçısı və dramaturqu A.P.Çexovun hekayə yaradıcılığından, kiçik hekayələr yazmağın özəlliklərindən və çətinliklərindən, ədəbiyyatda psixologizm məsələlərindən geniş bəhs etmişdir. Professor Hamlet İsaxanlı A.P.Çexovun çoxsaylı məktublarından da xüsusi söz açmış, onun şəxsiyyət və yazıçı kimi necə formalaşmasını, həyatındakı mühüm məqamları, müasirlərinə münasibətini öyrənmək üçün bu məktubların böyük əhəmiyyət daşıdığını qeyd etmişdir.

Ustad dərsinin sonunda professor Hamlet İsaxanlı tələbələrin mövzu ilə bağlı suallarını cavablandlrmışdır.