2021-ci il sentyabrın 27-də Xəzər Universitetində Anım Gününə həsr olunmuş tədbir keçirildi.
Tədbirdə universitetin rəhbərliyi, dekanlar, departament müdirləri və əməkdaşlar iştirak edirdilər.
Tədbir boyu monitorda universitetin şəhidləri Cavid Həsənov və Ataməli Musaoğlunun fotoları nümayiş olundu.
Tədbiri giriş sözü ilə universitetin rektoru dosent İradə Xəlilova açaraq, Vətən Müharibəsi şəhidlərinin əziz xatirəsi bir dəqiqəlik sükutla yad edildi.
Tarix və arxeologiya departamentinin müdiri dosent Telman Nüsrətoğlu 44 günlük müharibə, onun gedişi və nəticələri, regionda və Cənubi Qafqazda yeni geosiyasi vəziyyətin yaranması haqqında məruzə ilə çıxış etdi. O, 2-ci Qarabağ müharibəsi haqqında ətraflı məlumat verdi və Müzəffər Ali Baş Komandanın rəhbərliyi ilə Azərbaycan xalqının 2021-ci ilə qalib kimi daxil olduğunu vurğuladı.
Müharibə dövründə orduya və şəhid ailələrinə universitet tərəfindən yardımın təşkilatçısı olan Humanitar, təhsil və sosial elmlər fakültəsinin dekanı dosent Elza Səmədova iştirakçılara bu barədə məlumat verdi.
Universitetin prorektoru professor Məhəmməd Nuriyev, İqtisadiyyat və menecment fakültəsinin dekanı Ceyhun Məmmədov Vətən müharibəsi dövründə xalqla birlikdə gənc nəslin, tələbələrin nümayiş etdirdikləri vətənpərvərlik hisslərindən danışdılar.
Tədbirdə tədris prosesində tələbələrə Vətən müharibəsi haqqında dərin biliklərin aşılanması vasitələri də müzakirə olundu.