2021-ci il sentyabrın 22-23-də Erasmus+ Unilab layihəsi çərçivəsində növbəti virtual tədbir keçirilmişdir. Tədbir layihə koordinatoru Carme Royonun tədbir iştirakçılarını salamlaması ilə başladı. Sonra Krems Tətbiqi Elmlər Universitetinin (Avstriya) nümayəndəsi qısa təqdimat ilə iştirakçılara universitet haqqında, universitetin Karyera Mərkəzinin nümayəndəsi Nicolas Aron mərkəz haqqında məlumat verdilər.

Tədbirin ikinci günündə isə UniLab çərçivəsində tələbə və məzunların karyera imkanlarını asanlaşdırmaq məqsədi ilə yaradılan portal iştirakçılar tərəfindən test edildi.

Tədbirdə Xəzər Universitetindən Karyera İnkişaf Mərkəzinin əməkdaşları Səbinə Quliyeva və Elnurə Əhmədzadə, İqtisadiyyat və menecment departamentinin koordinatoru Bahadır Baysal, Mexanika mühəndisliyi departamentinin koordinatoru Mehdi Kiyasatfar və bir neçə tələbə iştirak etmişdir.