2021-ci il sentyabrın 17-də Beynəlxalq Münasibətlərin Təhlili Mərkəzinin (BMTM) təşkilatçılığı ilə “Yaxın Şərq və Cənubi Qafqazda COVID-19 pandemiyasının yaratdığı problemlərin aradan qaldırılması” adlı vebinar keçirilib.
BMTM-in İdarə Heyətinin üzvü Esmira Cəfərova açılış nitqində 2019-cu ildə başlamış və 2020-ci ilin martından etibarən Azərbaycanda yayılan COVID-19 pandemiyasının bütün dünyada sosial-iqtisadi problemlərə gətirib çıxardığını qeyd edərək,. Azərbaycanın həm ölkədə, həm də qlobal arenada gördüyü işlərdən danışıb.
Vebinarda iordaniyalı siyasi ekspert Mohammad Bin Sari Al-Zoubi, Qafqaz Siyasi Analiz Mərkəzinin direktoru Əhməd Əlili, “Baku Tribune” xəbər agentliyinin baş redaktoru, siyasi analitik Seymur Məmmədov və digərləri çıxış etmişlər.
Xəzər Universitetinin Siyasi Elmlər və Fəlsəfə Departamentinin rəhbəri Fərid Quliyev pandemiyanın enerji bazarına təsirlərinə dair təqdimatla çıxış edib. Onun sözlərinə görə, ötən ilin aprelində “OPEK+” ölkələrinin əldə etdiyi razılaşma enerji bazarını tam stabilləşdirə bilməyib. Fərid Quliyev əlavə edib ki, neft qiymətinin aşağı düşməsindən iqtisadiyyatı enerji gəlirlərindən tam asılı olan ölkələr xüsusilə əziyyət çəkib.
Vebinar sual-cavab sessiyası ilə başa çatıb
AZƏRTAC tədbir haqqında geniş xəbər yayımlayıb: