2021-ci il sentyabrın 10-da Erasmus+ ECAR layihəsi çərçivəsində virtual görüş keçirildi. Xəzər Universitetinin tərəfdaşı və Bakı Biznes Universitetinin koordinatoru olduğu bu layihənin görüşündə Azərbaycandan olan layihə tərəfdaşları və Avropa universitetlərindən olan tərəfdaşlar daxil olmaqla 30 nəfərdən çox nümayəndə iştirak edirdi.
Tədbir Litvanın Mykolas Romeris Universitetinin əməkdaşı Dr. Inga Juknytė-Petreikienė`nin gündəlikdə duran məsələləri iştirakçılarla bölüşməsi ilə başladı. Sonra Azərbaycandan olan tərəfdaş universitetlərin rektorları, prorektorları və Azərbaycan Təhsil Nazirliyinin nümayəndələri ilə keçiriləcək müsahibələrin və fokus qrupların vaxtı və formatı təyin edildi, müsahibələrdə veriləcək suallar müzakirə olundu. Dr. Inga Juknytė-Petreikienė keçiriləcək müsahibə və fokus qrupun detallarını iştirakçılara təqdim etdi.
Görüşdə Xəzər Universitetindən İnkişaf Mərkəzinin direktoru Raziyə İsayeva, universitetin əməkdaşları Səbinə Quluyeva və Humay Hüseynova iştirak etdilər.