2021-ci il sentyabrın 8-də Mediasiya Şurası İxtisas Komissiyasının ilk iclası keçirilib. İclasda İdarə Heyətinin sədri, İdarə Heyətinin və İxtisas Komissiyasının üzvləri iştirak edib. Komissiyanın üzvləri tərəfindən mediator Qasım Şaliyev yekdilliklə İxtisas Komissiyasının sədri seçilib.

Qeyd edək ki, Qasım Şaliyev Türkiyə Respublikasının Ankara Universitetinin Hüquq fakultəsində ali hüquq təhsili aldıqdan sonra uzun müddət yerli və xarici şirkətlərdə hüquqşünas kimi fəaliyyət göstərib və son 10 ildə Modern Şirkətlər Qrupu və Yeni Həyat Şirkətlər Qrupunda hüquq şöbəsinin müdiri vəzifəsində çalışıb.

Mediator Qasım Şaliyev həm mediasiya üzrə milli təlimçi, həm də Ədliyyə Akademiyası tərəfindən təşkil olunan mediasiya təlimi imtahanlarında komissiya üzvü olaraq Azərbaycan Respublikasında mediatorların tədrisinə xüsusi töhfə verir. 2018-ci ildən Azərbaycan Respublikası Vəkillər Kollegiyasının üzvü olan Qasım Şaliyev hazırda Xəzər Universitetində Mediasiya üzrə MBA təhsili alır.

Hergun.az və digər saytlar e-huquq.az saytına isnadla bu barədə xəbər yayımlamışlar.

https://hergun.az/article/az/51889#new_base