Xəzər Universitetinin ilk rəqs müəllimi olmuş, hazırda Azərbaycan Dövlət Rəqs Ansamblının baletmeysteri, əməkdar artist Xanlar Bəşirovun həmmüəllifi olduğu “Milli rəqs sənəti” adlı kitab “Ecoprint” nəşriyyatının mətbəəsində çap olunub. Kitabın birinci müəllifi sənətşünaslıq üzrə fəlsəfə doktoru Əhsən Rəhmanlıdır.

Azərbaycan milli rəqs tarixinə həsr olunmuş və onun inkişaf mərhələlərini əks etdirən təxminən altı yüz səhifəlik kitabda “Xəzər Universitetində rəqs” adlı yarımfəsil də yer almışdır. Fotolarla müşayiət olunan bu bölümdə universitetdə rəqs ansamblının yaranması və fəaliyyətindən bəhs edilir.