2021-ci il avqustun 23-24-də Türkiyənin Antalya şəhərində görkəmli azərbaycanlı alim, professor Lütfi Zadənin anadan olmasının 100 illik yubileyinə həsr olunmuş “Soft kompütinq, sözlərlə hesablamalar, dərketmə və Süni İntellekt nəzəriyyəsi və tətbiqi” adlı 11-ci beynəlxalq (ICSCCW -2021, 11-th International conference on Theory and Application of Soft computing, Computing with Words, perception and Artificial intelligence) konfrans keçirilmişdir.

Web of Science və Scopus bazalarında yer alan bu konfransda Xəzər Universitetinin əməkdaşları A.Nuriyev və B.Baysal tərəfindən ehtimalı və qeyri-səlisliyi özündə birləşdirən Z-ədədlərin konsepsiyasının tətbiqinə dair “Z-numbers based approach to hotel service quality assessment” mövzusunda məruzə təqdim olunmuşdur.

Müəlliflər adından A.Nuriyevin çıxışı konfrans iştirakçılarında maraq doğurmuş, çoxlu suallara cavab verilmişdir.

Konfrans materialları Springer nəşriyatı tərəfindən çap olunur və Scopus, SCImago, Inspect, WTI Frankfurt eG zbMATH indekslənir və Web of Sciences təqdim olunur.