2021-ci il avqustun 23-24-də Xəzər Universitetinin əməkdaşları Gəncə “Dünya” Məktəbində “Potensial Məktəb Direktorları” layihəsi çərçivəsində təlim təşkil etdilər.

Tədbir Humanitar, təhsil və sosial elmlər fakültəsinin dekanı Elza Səmədovanın müdavimləri salamlaması ilə başladı.O, “Potensial Məktəb Direktorları” layihəsi, ugurlu nəticələri və indiyədək təşkil olunmuş təlimlərin statistikası haqqında məlumat verdi.

Gün ərzində davam edən təlimdə Universitetin baş müəllimi, Azərbaycan Respublikası Vəkillər Kollegiyasının üzvü Akif Əlizadə Təhsil hüququ haqqında çıxış etdi.

İnkişaf Mərkəzinin rəhbəri Raziyə İsayevanın Təhsilin idarəedilməsi mövsuzunda təqdimatı maraqla dinlənildi. O, “məktəbin uğurla idarə edilməsi üçün nə etməli”, “uğurlu məktəb direktoru, onun xüsusiyyətləri” haqqında danışdı.

Sonra Elza Səmədova təlim prosesində kurikulumun tədbiqi prosesi, səmərəli təlim göstəriciləri haqqında iştirakçıları məlumatlandırdı.

Təlimin ilk günü Psixologiya departamentinin koordinatoru Mələk Kərimovanın çıxışı ilə yekunlaşdı.O, insan və münasibətlər, şəxsiyyət və onun xarakteri mövzusunda təqdimatla çıxış etdi.

Təlimin 2-ci günü Mələk Kərimovanın 6 əsas duyğu və şəxsiyyət pozuntuları haqqında çıxışı ilə başladı. Sonra Elza Səmədova Bloom Taksonomiyası, mərhələləri haqqında danışdı və qiymətləndirmə standartlarından nümunə gətirdi. Növbəti təqdimatda Raziyə İsayeva məktəblərdə formal quruluş haqqında məlumat verdi. Akif Əlizadə sertifikatlaşdırma barəsində müdavimlərlə müzakirələr apardı, onların suallarını cavablandırdı.

2 günlük təlimin yekununda müdavimlər təlim prosesinin keyfiyyətinin artırılması üçün anonim sorğuda iştirak etdilər.

Sonda iştirakçılara Xəzər Universiteti tərəfindən sertifikatlar təqdim olundu.

Təlimə Gəncə, Şəmkir, Göygöl və Kəlbəcər məktəblərindən 30-a yaxın müəllim və bir neçə direktor qatılmışdı.