2021-ci il avqustun 23-də Gəncə “Dünya” Məktəbində Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının təqdimatında “Təhsildə liderlik və keyfiyyət” adlı seminar keçirildi.

Seminar universitetin Humanitar, təhsil və sosial elmlər fakültəsinin dekanı Elza Səmədovanın iştirakçıları salamlaması ilə başladı. Sonra professor Hamlet İsaxanlı “Təhsildə liderlik və keyfiyyət” mövzusunda çıxış etdi. Professor “lider kimdir”, “hansı bilik-bacarıqlara sahib olmalıdır” mövzusunda iştirakçılarla öz təcrübəsini bölüşdü.

Daha sonra “təhsil səviyyəsinin keyfiyyətli olması üçün nə etməli”, “müəllimlərin bu sahədə rolu” barəsində iştirakçılarla müzakirələr aparıldı.

Tədbirə Gəncə, Şəmkir, Göygöl və Kəlbəcər məktəblərindən təhsil işçiləri, eləcə də Xəzər Universitetinin əməkdaşları qatılmışdılar.