Xəzər Universitetinin nəşri olan “Azərbaycan arxeologiyası” jurnalının növbəti nömrəsi (cild 23, №2, 2020) çapdan çıxmışdır.

Jurnalın bu nömrəsində əksər məqalələr Qarabağ mövzusuna həsr olunmuşdur. Qarabağın paleolit və qədim dövr abidələri, Qarabağda kəşf edilmiş Leylatəpə mədəniyyəti, Qarabağın erkən oturaq əkinçi-maldar mədəniyyətinin arxeoloji baxımdan öyrənilməsi tarixi, Qarabağın dağlıq hissəsinin etno-mədəni inkişafında Skit və Alban mərhələləri və digər müvafiq mövzularda olan məqalələrdə müəlliflər Azərbaycanın əzəli və əbədi torpağı Qarabağın müxtəlif yönlərdən tədqiqini davam etdirmişlər.