2021-ci il iyunun 18-də Xəzər Universitetində Erasmus+ ECAR layihəsinin məlumatlandırıcı seminarı keçirildi. Seminarda universitetin rəhbərliyi və administrativ heyəti iştirak edirdi.
Universitetin Keyfiyyətin Təminatı Mərkəzinin rəhbəri Lyudmila Sotova görüş iştirakçılarına Erasmus+ ECAR layihəsi, layihənin məqsədi, layihə çərçivəsində həyata keçiriləcək fəaliyyətlər haqqında məlumat verdi. Həmçinin seminar iştirakçılarının diqqətinə çatdırıldı ki, layihə çərçivəsində Azərbaycan universitetlərində geniş miqyaslı anket sorğularının keçirilməsinə başlanılıb və tərəfdaş universitet olaraq bu sorğuda Xəzər Universitetinin əməkdaşları və tələbələri də iştirak etməlidir. Anket sorğuları əsasən universitet rəhbərliyi (rektorlar, prorektorlar), fakültə və kafedra rəhbərləri, müəllimlər, tələbələr və işəgötürənlər arasında keçiriləcəkdir.
Tədbir iştirakçıları layihə haqqında təqdim edilən məlumatları maraqla qarşılamış və təqdimatla bağlı suallar ünvanlamışlar.
Qeyd edək ki, Erasmus+ ECAR layihəsinin əsas məqsədi Azərbaycanda Rektorlar Konfransının yaradılmasıdır.