Xəzər Universitetinin tələbələrindən ibarət üç komanda British Council-ın dəstəklədiyi Ali Təhsil Müəssisəsi Proqramı çərçivəsində təsis olunan Creative Spark 2021-in Big İdea müsabiqəsinin yarımfinalçıları arasındadır. Komandalar, təqdim olunan linklər vasitəsilə daha çox səs toplayaraq, ölkə çempionluğu uğrunda mübarizə aparacaqlar.

Xalq səsverməsi/seçimi iyulun 5-dan 18-dək davam edəcək. Bu müddət ərzində hər ölkədə ən çox səs toplayan İdea xalq səsverməsinin qalibi olacaq. Ölkə qalibləri mükafatlar və ideyalarını reallığa çevirmək üçün biznes mentorlarla məsləhətləşmə imkanı əldə edəcəklər. 

Bu linklər vasitəsilə onların ideyalarını dəstəkləmək və səs vermək olar:

“Ecoset” https://creativespark-bigidea.uk/vote-for-idea-23/

Komanda üzvləri:

1. Rəşid Cəfərov,Molekulyar Biologiya, magistr, 1-ci kurs

“Herguide” https://creativespark-bigidea.uk/vote-for-idea-19/

Komanda üzvləri:

1. Təravət Əsgərova, Kimya və biologiya müəllimliyi, 4-cü kurs
2. Əbdürrəhman Eminov, Elektronika,telekommunikasiya və radiotexnika mühəndisliyi, məzun

“Smart and Win!” https://creativespark-bigidea.uk/vote-for-idea-14/

Komanda üzvləri:

1. Əbdülcəlil Ömərov, İqtisadiyyat və Menecment, 4-cü kurs

Tələbələrimizə ölkə çempionu olmaq şansını qazanmaq üçün dəstək olun!

Bu müsabiqədə iştirak yalnız Creative Spark layihəsinin iştirakçısı olan Universitetlərin tələbələri üçün mümkündür. 2019 və 2020-ci ildə Xəzər Universiteti Böyük Britaniyanın Middlesex Universiteti ilə əməkdaşlıq edərək, Creative Spark layihəsini qazandı. Bu, Xəzər Universitetinin tələbələrinə belə böyük bir yarışmaya qatılmağa imkan verdi. Onlar əvvəlcə universitet daxilində yarışdılar. İndi isə həmin yarışma ölkə səviyyəsində davam edir. Buradan qalib çıxan komandalar isə beynəlxalq bir yarışmanın iştirakçısı olacaqlar.

Bütün tələbələrimizə uğurlar arzulayırıq!