2021-ci il iyunun 30-da Xəzər Universitetinin tərəfdaş olduğu Erasmus+ PICASP layihəsi çərçivəsində tərəfdaş universitetlərin iştirakı ilə virtual görüş keçirildi. Görüş “Ali təhsil müəssisələrində təcrübə müəssisələri kurslarının təşkilində Avropa nümunələri” mövsuzunda idi.

Azərbaycan Turizm və Menecment Universiteti tərəfindən təşkil olunmuş görüşü həmin universitetin PICASP layihəsinin koordinatoru Faina Qaçabəyova açaraq qonaqları salamladı və sözü natiqlərə verdi.

Layihənin koordinatoru Massimo Bianchi (Chieti Pescara Universiteti, İtaliya) çıxışında belə görüşlərin keçirilməsinin tərəfdaş ölkələrdə yaradılacaq pilot kurslarında iştirak edəcək əməkdaşlar üçün çox faydalı olacağını bildirdi.

Görüşdə, həmçinin, Graz Universiteti (Avstriya), Vilnüs Colleci və “Stimulith” Mərkəzinin (Litva) əməkdaşları təqdimatlarla çıxış edərək, həyata keçirdikləri HEIPNET layihəsi haqqında məlumat verdilər və öz təcrübələrini bölüşdülər. İştirakçılar təqdimatla çıxış edənlərə müxtəlif suallar ünvanladılar.

Tədbirin sonunda layihə çərçivəsində keçiriləcək növbəti tədbirlər və onların vaxtı haqqında məlumat verildi.

Görüşdə Xəzər Universitetini Ülkər Bayramova və Dr. Bahadır Baysal təmsil edirdilər.