Xəzər Universitetinin İnşaat mühəndisliyi departmentinin koordinatoru Rasim Bayramlı ilə AZFEN şirkətinin mütəxəssisləri  Nilufər Alıyeva və Sərtac Öztürk arasında əldə olunmuş razılaşmaya görə 4-cü kurs İnşaat mühəndisliyi tələbələri üçün “Tekla Structures” proqramı  üzrə 20 iyun tarixindən kurslar təşkil olunmuşdur. Kurslar həftədə 2 dəfə olmaqla 6 həftə davam edəcəkdir.

“Tekla Structures” inşaat mühəndisləri üçün çeşidli materialları (polad,beton,taxta və s.) özündə birləşdirərək 3D model hazırlanması, hazırlanmış modeldən cizgilərin, reportların avtomatik alınması üçün vasitəçı proqramdır. Bu kursun məqsədi mühəndislik və inşaat sahəsi ilə əlaqədar işlərdə dərəcə artırmaq, ixtisaslaşmaq və yaxud bu sahə üzrə fəaliyyət göstərən yerli və xarici şirkətlərdə karyera qurmaq istəyən mühəndislik sahəsi üzrə təhsil alan tələbələr üçün nəzərdə tutulur.