Xəzər Universitetinin Psixologiya departamentinin müəllimi və doktorantı Nilufər Əlizadənin təşkilatçılığı ilə “Health Psychology” fənninin tədrisi zamanı departamentin ikinci kurs tələbələri ilə birlikdə “Məni Gör” sosial layihəsi hazırlanmışdır.

Fənnin əsas predmetlərindən olan sosial fərqindəlik/cəmiyyətin psixoloji mövzularda maarifənməsi və sağlamlıq layihələrinin təşkil edilməsi kimi mövzuların təkcə nəzəriyyədə öyrənilməsi deyil, həm də biliklərin praktiki olaraq tətbiq edilməsi tələbələrin gələcəkdə faydalı psixoloq kimi yetişmələrini təmin edir və sosial layihələrdə də əksini tapır.

Xəzər Universitetinin əsas məqsədlərini nəzərə alaraq tələbələrin təkcə nəzəri inkişafına deyil, həm psixoloji, həm sosial inkişafına xidmət edən və artıq 2 ildən çoxdur ki, Nilufər Əlizadənin təşkilatçılığ ilə ənənə halını alan bu sosial layihələr hər kəs tərəfindən, xüsusilə də tələbələr tərəfindən maraqla qarşılanır.

Qeyd edək ki, “Məni Gör” layihəsinin əsas məqsədi fərdlərin öz psixoloji sağlamlıqları haqqında fərqindəliklərini artırmaq və psixoloji sağlamlığın qayğısına qalmaqda ən böyük maneə olan etiketlənmələrin istifadəsinə "yox" deməkdir.

Layihənin təqdimatına linkə keçid edərək baxmaq olar: 

https://www.youtube.com/watch?v=8DdWmG4tE90&t=168s