2021-ci il iyunun 21-də Gazi Universitetinin təşkilatçılığı ilə Xəzər Universiteti, Əhməd Yəsəvi Türk-Qazax Universiteti və Daşkənd Dövlət Şərqşünaslıq Universitetinin iştirak etdiyi "Türk Dünyası Universiteleri Lisansüstü Eğitim İşbirliği Sempozyumu" keçirilmişdir.
Onlayn keçirilən simpozium Xəzər Universiteti Təhsil departamentinin Gazi Universitetinin Təhsil Elmləri İnstitutu ilə əməkdaşlığı çərçivəsində təşkil olunmuşdu. Xəzər Universitetini simpoziumda universitetin Humanitar, təhsil və sosial elmlər fakültəsinin dekanı, Dillər və Ədəbiyyatlar və Təhsil departamentlərinin müəllimi dosent Elza Səmədova, Təhsil departamentinin doktorantları - Raziyə İsayeva, Abdul-Rahman Balogun Muhammed - Shittu, Aygün Verdiyeva, Tərlan Orucova və Zərifə Əliyeva təmsil etmişlər.