2021-ci il iyunun 13-dən 19-dək Türkiyənin Manisa Celal Bayar Universitetinin bir qrup nümayəndələri Xəzər Universitetində səfərdə olublar. Səfər “Erasmus+ Beynəlxalq Kredit Mobilliyi Proqramı” çərçivəsində baş tutmuşdur.

Qonaqlar - Manisa Celal Bayar Universitetinin Biznesin idarəedilməsi fakültəsinin professoru Deniz Dirik, KA107 Layihə meneceri professor Enis Yakut, İdman idarəedilməsi fakültəsinin professoru Kadir Yildiz ilk öncə Xəzər Universitetinin Beynəlxalq əlaqələr ofisini və kitabxanasını ziyarət ediblər.

Sonra qonaqlar universitetin rektoru dosent İradə Xəlilova, İnkişaf departamentinin direktoru Raziyə İsayeva, Keyfiyyət meneceri Lyudmila Sotova, İctimai əlaqələr və media üzrə direktor Əlövsət Əmirbəyli və İqtisadiyyat və menecment fakültəsinin dekanı Ceyhun Məmmədov ilə görüşüblər. Görüşlər hər gün Xəzər Universitetinin müxtəlif dekanlıq və qurum rəhbərləri iə keçirilmişdir.