2021-ci il iyunun 11-də Xəzər Universitetinin tərəfdaşı olduğu “21-ci əsrdə universitetdən əmək bazarına: işə qəbulolunmada bir addım irəli” Erasmus+ (UniLab, 610245-EPP-1-2019-1-BE-EPPKA2-CBHE-JP) layihəsi çərçivəsində növbəti monitorinq keçirildi. Milli Erasmus+ Ofisi tərəfindən təşkil olunmuş görüşdə Xəzər Universitetinin əməkdaşları ilə yanaşı, layihənin Azərbaycandan olan digər tərəfdaşı - Azərbaycan Dövlət Neft və Sənaye Universitetinin əməkdaşları da iştirak edirdilər.

Milli Erasmus+ Ofisinin rəhbəri Pərviz Bağırov iştirakçıları salamladı və monitorinq görüşünün məqsədini açıqladı. Görüş Milli Erasmus+ Ofisinin Monitorinq və təşviqat üzrə əməkdaşı Zəfər Həsənov tərəfindən davam etdirildi. Hər iki universitetin əməkdaşları sonuncu monitorinqdən sonra layihədə yerinə yetirilmiş işlər, həyata keçirilmiş tədbirlər, universitet-biznes əməkdaşlığının inkişaf etdirilməsində əldə edilmiş yeniliklər, Covid-19 səbəbindən gecikmiş fəaliyyətlər və s. haqqında məlumat verdilər. Bundan əlavə, layihə tərəfdaşları verilən sualları cavablandırdılar və layihənin aralıq hesabatından sonra nəzərdə tutulmuş işlər haqqında məlumat verdilər.

Milli Erasmus+ Ofisinin rəhbərliyi layihə çərçivəsində indiyə qədər görülmüş işləri qənaətbəxş hesab etdi və layihə tərəfdaşlarına öz tövsiyələrini verdi.