2021-ci il iyunun 3-də AMEA Mərkəzi Elmi Kitabxanasında (MEK) “ Pandemiya şəraitində elmi-tədqiqatların kitabxana-informasiya təminatı” mövzusunda dəyirmi masa keçirilmişdir. Tədbirdə AMEA-nın elmi müəssisə və təşkilatlarının, eləcə də bir sıra ali təhsil müəssisələrinin kitabxana rəhbərləri də iştirak ediblər.
Xəzər Universitetini Kitabxana İnformasiya Mərkəzinin (KİM) direktor müavini Aytac Misgərli təmsil etmişdir. Aytac Misgərli çıxışında bildirib ki, pandemiya dövründə universitet kitabxanasının fəaliyyətində bir sıra çətinliklər yaşanmasına baxmayaraq, elektron arxivlərdəki kolleksiyaların sayı artırılıb, bütün tələbə və magistrantlar tərəfindən ünvanlanan suallar cavablandırılıb, sorğuların nəticələrinə əsasən ən çox müraciət olunan kolleksiyalar müəyyələnləşdirilib və beynəlxalq təşkilatlar tərəfindən elektron resurslara giriş imkanı yaradılıb.
Sonda çıxış edən MEK-in baş direktoru Məmməd Əliyev bu kimi dəyirmi masaların davamlı olaraq keçirilməsinin elmi tədqiqatların kitabxana-informasiya təminatı ilə bağlı mövcud problemlərin həlli istiqamətində mühüm nəticələrin əldə olunmasına şərait yaradacağına inamını ifadə edib.