2021-ci il mayın 31-də Xəzər Universiteti İnkişaf Mərkəzinin təşkilatçılığı ilə universitetin tərəfdaş olduğu Erasmus+ UniLab layihəsi çərçivəsində növbəti virtual Fokus Qrup Müzakirəsi təşkil edilmişdir. Fokus Qrup Müzakirəsində UniLab layihəsi çərçivəsində hazırlanmış “Mövcud və yeni universitet-biznes əməkdaşlığını inkişaf etdirmək üçün strateji plan” adlı sənədin ölkənin karyera mərkəzləri nümayəndələri ilə bərabər müzakirəsi keçirilmişdir.
Görüş Karyera Mərkəzinin koordinatoru Elnurə Əhmədzadənin giriş sözü ilə başladı. Sonra Təlim və Tədris Mərkəzinin rəhbəri Ülkər Bayramova layihə çərçivəsində hazırlanmış strateji plan haqqında iştirakçıları məlumatlandırdı.
Görüşdə strateji plan, onun ölkəmizdə tətbiqi, karyera sahəsində işləyən nümayəndələrin strateji plana əlavə və təklifləri, universitet-müəssisə əməkdaşlığı, strateji planın bu əməkdaşlıqda rolu və s. məsələlər haqqında müzakirə aparıldı. Görüşdə maraqlı təkliflər ilə çıxış edən iştirakçılar universitet-biznes tərəfdaşlığının önəmini bir daha vurğuladılar.
Tədbirdə Xəzər Universitetinin əməkdaşları ilə yanaşı Azərbaycan-Fransız Universiteti, Bakı Dövlət Universiteti, Azərbaycan Dövlət Turizm və Menecment Universiteti, Gəncə Dövlət Universiteti karyera mərkəzlərindən nümayəndələr iştirak etmişlər.