"Kənd Təsərrüfatında Rəqabət Qabiliyyətinin Gücləndirilməsi Layihəsi, Azərbaycan Qida Təhlükəsizliyi Agentliyi, Xüsusi Təhlükəli Patogenlərə Nəzarət Mərkəzi, Mərkəzi Gömrük Hospitalı, Xəzər Universiteti, Mərkəzi Referens Baytarlıq Laboratoriyası, Respublika Gigiyena və Epidemiologiya Mərkəzi və Yeni Zelandiyanın Massey Universitetinin (Massey University) mütəxəssisləri Dünya Bankının maliyyə dəstəyi ilə 2015-2020-ci illərdə Azərbaycanda kənd təsərrüfatının rəqabət qabiliyyətinin artırılması ilə bağlı birgə tədqiqat aparmışlar.

Tədqiqatın nəticələrini əks etdirən "Working towards development of a sustainable brucellosis control programme, the Azerbaijan example" (“Bruselyozla davamlı mübarizə proqramının hazırlanmasında Azərbaycan təcrübəsi”) adlı məqalə 14 nəfər mütəxəssisin həmmüəllifliyi ilə (Xəzər Universitetindən Təbiət elmləri departamentinin müdiri Asəf Ömərov) impakt faktoru 1.892 olan "Research in Veterinary Science" jurnalında dərc olunmuşdur.