2021-ci il mayın 21-də AMEA Arxeologiya və Etnoqrafiya İnstitutunun təşkil etdiyi “Qarabağın arxeoloji və etnomədəni irsi: tarix və gələcəyə baxış” adlı virtual konfransda Xəzər Universitetinin Tarix və Arxeologiya departamentinin müəllimi və koordinatoru Orxan Zamanov “Azərbaycanın Qarabağ bölgəsinin işğaldan azad olunmuş torpaqlarında “ağıllı texnologiya” və qeyri-müdaxilə (non-invasie) üsullarının tətbiqi perspektivləri” adlı tezislə çıxış etmişdir.

Tezis konfransın Qarabağ abidələrinin hazırkı vəziyyəti və gələcək tədqiqatların perspektivləri ilə bağlı hazırlanmışdır. Tədbirdə həm institutun, həm də ölkəmizdə qonaq olan xarici əməkdaşlar iştirak edirdi. Otuzdan çox məruzənin dinlənildiyi konfransda Qarabağın arxeologiyası, etnoqrafiyası, numizmatikası, etnologiyası, antropologiyası və tarixi bərpası üzrə çoxluı elmi fikir və təkliflər səsləndirilmişdir.